രാരീ രാരോ...

രാരീ രാരോ രാരിരാരോ...
രാരീ രാരീരം രാരിരാരോ.....

കടലോളം സ്നേഹം എന്നുണ്ണിക്കണ്ണന്,
കാൽതള കരിവള കൊഞ്ചി പറയും...
കള്ള ചിരിയും കുസൃതിയുമായി  -
ഉണ്ണാൻ വിളിയ്ക്കുമ്പോൾ മറയുവതെങ്ങോ ....

രാരീ രാരോ രാരിരാരോ...
രാരീ രാരീരം രാരിരാരോ.....

ചെറുപൂ വിരിയും ആർദ്രവുമായി,
പിച്ചവെച്ചു മെല്ലെ നീ, അരികിൽ വരുമ്പോൾ;
അമ്മ നെഞ്ചു മിടിയ്ക്കും താളമുണ്ടല്ലോ -
അമ്പിളിക്കുഞ്ഞേ, നിനക്കുറങ്ങീടുവാൻ ......

രാരീ രാരോ രാരിരാരോ...
രാരീ രാരീരം രാരിരാരോ.....

പൂമരം പൂത്തുലഞ്ഞ പോലെ,
കുടുകുടാ ചിരിച്ചെന്നെ മയക്കിടുമ്പോൾ ;
ജന്മ സാഫല്യ, മിതെന്നറിവൂ ഞാൻ -
ജന്മാന്തര പുണ്യവും നീ തന്നെയെന്നും ...

ജന്മ സാഫല്യ, മിതെന്നറിവൂ ഞാൻ -
ജന്മാന്തര പുണ്യവും നീ തന്നെയെന്നും ...

രാരീ രാരോ രാരിരാരോ...
രാരീ രാരീരം രാരിരാരോ.....