.
അരിഞ്ഞു തള്ളുവിന്‍
എറിഞ്ഞു വീഴ്ത്തുവിന്‍
എനിയ്ക്കു ദാഹിയ്ക്കുന്നു....
ഒഴുകട്ടെ ചുവപ്പുനദികള്‍
ഒടുങ്ങട്ടെ കൊടുംപാപികള്‍
എനിയ്ക്കു ദാഹിയ്ക്കുന്നു....
തുടുത്ത മണ്‍നിറം മാഞ്ഞുതുടങ്ങി
വിളര്‍ത്ത മാറിടം വിണ്ടുതുടങ്ങി
എനിയ്ക്കു ദാഹിയ്ക്കുന്നു....
എന്നില്‍ നിന്നെല്ലാം പറിച്ചെടുത്തു
എന്നില്‍ നിന്നെല്ലാം കുഴിച്ചെടുത്തു
എനിയ്ക്കു ദാഹിയ്ക്കുന്നു....
ചുമടുഭാരം അസഹനീയം
ചുട്ടുപൊള്ളുന്നു അന്തരംഗം
എനിയ്ക്കു ദാഹിയ്ക്കുന്നു....
മൂന്നു വലം വെയ്ക്കാന്‍
മുച്ചൂടും മുടിയ്ക്കാന്‍
വെള്ളം -
സര്‍വത്ര വെള്ളം.....
എന്നിട്ടും എനിയ്ക്കു ദാഹിയ്ക്കുന്നു....
അരിഞ്ഞു തള്ളുവിന്‍
എറിഞ്ഞു വീഴ്ത്തുവിന്‍
എനിയ്ക്കു ദാഹിയ്ക്കുന്നു....
ഇന്നെനിയ്ക്കു ദാഹിയ്ക്കുന്നു .........
2 comments:
Nannavunnundu..... improving....:-)
-- Deepu
we miss you at rediff iLand! dilip krishnan
Post a Comment